Azərbaycanlı müğənni Roza Zərgərli Şəmkir şəhərində təhsil aldığı məktəbə baş çəkib. Lent.az-a açıqlama verən ifaçı bildirib ki, həmin görüş zamanı müəllimləri ilə görüşüb: “1989-1992-ci illərdə təhsil aldığım orta məktəbə getmişdim. Şəmkir şəhəri Əhməd Cavad adına orta məktəbdə çalışan müəllimlərimlə görüşdüm. Bu mənim üçün təsirli idi. Yenidən o illərə qayıtdım. Təhsil aldığım illər ərzində nələr yaşamışamsa, başıma nə gəlibsə, bunları “Sibir çiçəyi” adlı kitabımda da qeyd etmişəm”.