Xalq artisti Aygün Kazımova reallaşdırdığı dünya layihəsinin vaxtını açıqlayıb. Lent.az-ın məlumatına görə, iyulun 16-dan etibarən A. Kazımovanın amerikalı repçi Snoop Doggla olan “Coffee from Columbia” mahnısını və remixləri, eyni zamanda klipini “İtunes”dən və amazon.com.uk saytından yükləmək mümkün olacaq. A. Kazımovanın əcnəbi duet ortağı S.Doogla oxuduğu “Coffee from Columbia” mahnısı bir neçə formatda təqdim olunacaq. Bir neçə dünya kanalında nümayiş etdiriləcək bu layihə eyni zamanda 16 iyuldan etibarən 30000 dünya radiosunda səslənəcək.
Xalq artistinin mətbuat xidmətindən verilən məlumata görə, layihənin təqdimat mərasimi Türkiyədə olacaq. Avqust ayında Türkiyənin İstanbul şəhərində layihənin təntənəli təqdimetmə mərasimi olacaq. 50 özəl dəvətli sırasında dünya mediasının nümayəndələri, Amerikadan gələn dünyaca məşhur DJ-lər və özəl qonaqlar olacaq.
Qeyd edək ki, A. Kazımva dünya səviyyəli belə layihəni gerçəkləşdirən ilk azərbaycanlı ifaçıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
