Hörümçək dişləyən məşhur müğənni öldü - VİDEO

Noyabrın 8-də məşhur braziliyalı müğənni Darlin Moraisin vəfat etdiyi məlum olub.

Lent.az-ın xarici mətbuata istinadla xəbərinə görə, ölüm səbəbinin hörümçək dişləməsi olduğu bildirilir.

Hadisə oktyabrın 31-də baş verib. Məhz həmin gün sənətçi hörümçək dişləməsindən əziyyət çəkib. Dişləmədən sonra Darlin üzündə böyük qançır əmələ gəlib və bir neçə gün sonra onda allergiya yaranıb.

Musiqiçinin həyat yoldaşının dediyi kimi, əri özünü yaxşı hiss etməyib və daim yorğun olub. Buna görə də həkimlərdən kömək istəməyə qərar verib. Həkimlər ona müalicə yazıb evə göndəriblər.

Bununla belə, Moraisin vəziyyəti yaxşılaşmayıb. Noyabrın 5-də o, xəstəxanaya yerləşdirilib və ertəsi gün orada dünyasını dəyişib.

Bundan başqa, onun ögey qızı da hörümçək dişləməsindən əziyyət çəkib. Onun vəziyyəti stabildir, həkim nəzarətindədir.

Darlin Morais 15 yaşında musiqi ilə məşğul olmağa başlayıb. Onun öz qrupu var idi, onunla Tokantins əyalətində, eləcə də qonşu ştatlarda çıxış edirdi.