Dünyaca məşhur müğənni və aktrisa Cennifer Lopes aktyor Ben Affleklə iki illik evliliyinin bitməsindən sonra şəxsi həyatı ilə bağlı təəccüblü açıqlamalar verib.
Lent.az-ın xarici mediaya istinadən xəbərinə görə, televiziya verilişində səmimi etiraf edən 56 yaşlı ulduz keçmiş münasibət seçimlərinə görə peşman olduğunu bildirib və "Kaş ki, daha tez subay qalsaydım" deyib.
Əyləncə dünyasında "Bennifer" kimi tanınan və 17 ildən sonra böyük bir görüşləri ilə dünya miqyasında xəbərlərə səbəb olan Cennifer Lopes və Ben Afflek ötən ilin fevral ayında evliliklərini rəsmi olaraq boşanma ilə başa çatdırıblar. 2022-ci ildə dəbdəbəli bir mərasimlə evlənən, lakin ikinci evlilik ildönümlərində ayrılmaq qərarına gələn cütlüyün sükutunu Cennifer Lopes pozub.
Canlı yayında “Ben Afflek” göndərməsi
ABŞ-da məşhur tok-şou olan Cimmi Kimmelin aparıcılığı ilə yayımlanan "Cimmi Kimmel Live" verilişinin qonağı olan 56 yaşlı müğənni, evliliyinin sona çatması və hazırkı münasibət statusu barədə səmimi danışıb.
Kimmelin "Hazırda subaysınız?" sualına şən və enerjili şəkildə cavab verən Lopes, subay həyatın onun üçün gözlədiyindən daha yaxşı olduğunu bildirib. Keçmiş evliliklərinə və keçmiş əri Ben Afflekə gizli istinadlar edən Lopes, subay həyata daha tez keçmədiyinə görə böyük peşmançılığını vurğulayb.
"İnanın, mən hər şeyi səhv edirdim"
Münasibətlərlə bağlı özünütənqid etməkdən çəkinməyən dünyaca məşhur sənətçi verilişdə bu təəccüblü açıqlamaları verib:
"Bunu daha əvvəl etməli idim, subay qalmalı idim. Geri baxanda hər şeyi səhv edirdim. İnanın, hər şeyi, tamamilə hər şeyi səhv edirdim. Hazırkı dincliyimi və hisslərimi pozacaq heç nə etməyəcəyəm. Subay olmaq həqiqətən də gözəl bir hissdir".
Cennifer Lopes gələcəkdə başqa bir romantik münasibətə başlayıb-başlamayacağı ilə bağlı sualları da cavablandıraraq, qapını tamamilə bağlamadığını, lakin indi daha seçici olacağını vurğulayıb. Ulduz yeni münasibətlər üçün yüksək standartlar müəyyən etdiyinə işarə edərək deyib: "Əgər onlar həqiqətən kifayət qədər yaxşı və buna dəyərsə, nə vaxtsa haradasa birini tapacağam".
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
