Xəyyam: “Muğamı cazla sintez yaratmaq üçün öyrənəcəm”

Gənc ifaçı Xəyyam sözləri və musiqisi Murad Arifə aid olan yeni mahnı hazırlayıb. Xəyyam Lent.az-a açıqlamasında mahnının gənclər üçün nəzərdə tutulduğunu deyib: “Bu, əsl yay mahnısıdır, gənclər üçün nəzərdə tutulub”.

Hazırda Rusiyada təhsil alan ifaçı paralel olaraq Azərbaycanda da musiqi təhsili almaq istəyır: “Bilirsiniz ki, Rusiyada universitetdə musiqi təhsili alıram. Sənədlərimi təqdim etməzdən öncə çox insanlarla məsləhətləşdim, nəhayət, qərara aldım ki, caz estrada təhsili alım. Mən demirəm ki, burda pis dərs verirlər, sadəcə, Azərbaycanda muğam dərsləri alacam. Ona görə də bu il milli konservatoryaya daxil olmaq fikrim var”.

Müğənni muğam təhsili aldıqdan sonra xanəndəlik etmək fikrində deyil: “Muğamı sadəcə muğam oxumaq üçün yox, cazla sintez yaratmaq üçün öyrənəcəm”.

Müğənni arzularından da danışıb: “Duet oxumaq istəyirəm. Lakin fərqli şəkildə omasını arzu edirəm. Dünya şöhrətli ərəb müğənniləri xüsusilə Alabina ilə oxumaq istəyirəm. Bu, sadəcə, arzudur”

Lalə Yusıfqızı