Samuxda qətl hadisəsi baş verib.
Lent.az-ın APA-ya istinadən məlumatına görə, hadisə rayonun Sərkar kəndində qeydə alınıb.
Kənd sakini, 1967-ci il təvəllüdlü Hüseynov Aytəkin Əziz oğlu bıçaq xəsarəti ilə ağır vəziyyətdə xəstəxanaya yerləşdirilib. Həkimlərin səyinə baxmayaraq yaralı xəstəxanada dünyasını dəyişib.
Hadisə yerinə hüquq-mühafizə orqanlarının əməkdaşları cəlb olunub. Hədisənin kimin tərəfindən törədildiyi hələlik məlum deyil.
Faktla bağlı Samux rayon prokurorluğunda araşdırma aparılır.