“Azərbaycan Respublikasında dəmir yolu nəqliyyatı sisteminin 2010-2014-cü illərdə inkişafına dair Dövlət Proqramı”nın icrası çərçivəsində Bakı-Böyük Kəsik istiqamətində 317 km yolun əsaslı təmiri davam edir.
“Azərbaycan Dəmir Yolları” Qapalı Səhmdar Cəmiyyəti Mətbuat Katibliyinin rəisi Nadir Əzməmmədovun Lent.az-a verdiyi məlumata görə, 18-27 aprel 2013-cü ildə dəmir yolunun Qarasu – Padar və Qarasu-Muğan mənzillərində 13,7 kilometr yol əsaslı təmir olunacaq.
Bu gün təmir işlərinə start verilib Artıq səhər saatlarında köhnə yolun xeyli hissəsi sökülüb.