“Azəriqaz” ARDNŞ-nin tabeliyinə verildi
01 iyul 2009 20:15 (UTC +04:00)

“Azəriqaz” ARDNŞ-nin tabeliyinə verildi

Azərbaycan Prezidenti İlham Əliyev “Ölkənin neft-qaz sənayesində idarətmə mexanizmlərinin təkmilləşdirilməsi haqqında” sərəncam imzalayıb. Prezidentin mətbuat xidmətindən Lent.az-a verilən məlumata görə, sərəncam ölkənin neft-qaz sənayesində vahid idarəetmə sisteminin yaradılması məqsədilə imzalanıb.

Sərəncama əsasən, səhmləri tamamilə dövlətə məxsus olan qapalı tipli “Azəriqaz” Səhmdar Cəmiyyəti ARDNŞ-nin tabeliyinə verilib. Sərəncamla ARDNŞ-yə, Əmlak Məsələləri Dövlət Komitəsinə, Vergilər Nazirliyinə “Azəriqaz” Səhmdar Cəmiyyətinin yenidən təşkil edilməsinin və dövlət qeydiyyatına alınmasını təmin etmək tapşırılıb.

Bu sərəncamdan irəli gələn tapşırıqların yerinə yetirilməsi Nazirlər Kabineti və digər əlaqədar qurumlara tapşırılıb.
# 403

Oxşar yazılar