Prezident və ailə üzvləri Formula-1-i izləməyə gəldi - FOTO

Bu gün Bakıda ilk dəfə keçirilən Formula-1 üzrə Avropa Qran-prisi yarışını izləyənlər arasında prezident İlham Əliyev və ailə üzvləri də var. Lent.az-ın məlumatına görə, ölkə başçısı ilə yanaşı xanımı Mehriban Əliyeva və oğlu Heydər Əliyev pit-stop qərargahına gəlib. Burada ölkə başçısı yarışın təşkilatçıları, pilotlar və fəxri qonaqlarla bir araya gəlib. Yarışın qalibinə mükafatın da Azərbaycan prezidenti tərəfindən veriləcəyi bildirilir.

Ölkə başçısı yarışı ailə üzvləri ilə birgə qonaqlar üçün nəzərdə tutulmuş xüsusi lojadan izləyəcək.