Rio-de-Janeyroda keçiriləcək XXXI Yay Olimpiya Oyunlarının “Marakana” stadionunda təşkil ediləcək açılış mərasimində Olimpiya məşəlinin alovlandırılması əfsanəvi futbolçu Peleyə tapşırılıb. Lent.az-ın AzərTAc-a istinadən məlumatına görə, bu barədə Pele Braziliyanın “Globo” telekanalının efirində məlumat verib: “Braziliya Olimpiya Komitəsinin prezidenti Karlos Artur Nuzman və Beynəlxalq Olimpiya Komitəsinin (BOK) rəhbəri Tomas Bax bu təklifi mənə ediblər. Amma mənim bir sıra digər müqavilələrim var. Bu səbəbdən də ölkə xaricində olmalıyam. Əgər bu öhdəlikləri həll etsəm, Olimpiya məşəli ilə bağlı təklifi qəbul etməyə çox şad olaram. Hazirda məşəli yandırmaq barədə dəqiq söz deyə bilmərəm”.
Pele açılış mərasimdə iştirakı məsələsinin avqustun 4-də tam məlum olacağını bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
