Basketbol üzrə Avropa Çempionatında Gürcüstan və Türkiyə komandalarının oyununda insident yaşanıb.
Lent.az Türkiyə mediasına istinadən xəbər verir ki, türkiyəli oyunçu Furkanla Gürcüstan təmsilçisi Sanadze arasında gərginlik yaşanıb.
Bu hadisədən sonra hər iki oyunçu hakim tərəfindən çıxarılıb. Lakin bu zaman matçın vaxtı dayandırılmadığından Türkiyə komandası buna etiraz edib.
Tbilisi Arenada keçirilən matçda insident soyunub-geyinmə otağında da davam edib. Aralarında polisin də olduğu dava daha da gərginləşib.
Türkiyə Basketbol Federasiyasının sədr müavini Ömər Onan bildirib ki, əgər Beynəlxalq Basketbol Assosiyası hadisəyə münasibət bildirməzsə Türkiyə turnirdən çəkiləcək.
Qeyd edək ki, oyun 88-83 hesabı ilə Gürcüstan yığmasının xeyrinə başa çatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
