"Mançester Yunayted"in 37 yaşlı portuqaliyalı ulduz hücumçusu Kriştiano Ronaldo transfer pəncərəsinin bağlanması ərəfəsində klubunu dəyişməyə cəhd etməyə davam edir. Onun agenti Jorje Mendeş bu məsələ üzərində fəal işləyir.
Lent.az bildirir ki, bu barədə italiyalı jurnalist Canluka Di Marzio öz saytında məlumat yayıb.
Avqustun əvvəlində "Napoli" ilə Ronaldonun İtaliyaya mümkün qayıtması ilə bağlı müzakirələr aparılıb. Lakin buna Kriştianosuz da Napoli klubunun hücumdakı oyunçular arasında ciddi seçim qarşısında qalması mane olur. İndi Mendeş "Napoli"ni Viktor Osimhenin "Mançester Yunayted"ə satması ilə bağlı razılığa gəlməyə inandırmağa çalışır, onda Ronaldo əks istiqamətə gedə biləcək. Qeyd olunur ki, tərəflər arasında rəsmi danışıqlar hələ çox uzaqdadır. Danışıqların bütün potensial iştirakçıları yalnız mümkün sövdələşmə üçün əsasları araşdırırlar.
Eyni zamanda, Mendeş "Milan"la da əlaqə saxlayıb, "Çelsi"nin ciddi maraqlandığı Rafael Leaunun satılması halında Kriştianu Ronaldonun xidmətlərini təklif edib.
Xatırladaq ki, Ronaldonun "Mançester Yunayted"lə müqaviləsi gələn ilin yayında başa çatır. Onun transfer qiyməti 30 milyon avro qiymətləndirilir. Bu mövsüm o, İngiltərə Premyer Liqasının 3 oyununda iştirak edib, ancaq heç bir fəallığı ilə seçilməyib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
