“Mançester Yunayted”in İngiltərə Premyer Liqasının XIV turunda “Arsenal” üzərində 3:2 hesablı qələbə qazanmasında Kriştiano Ronaldo mühüm rol oynayıb.
Apasport.az saytının məlumatına görə, “Old Trafford”dakı qarşılaşma portuqaliyalı forvard üçün əlamətdar olub.
Dubla imza atan 36 yaşlı superulduz karyerasında 800-cü qolunu vurub. O, bu toplardan 129-na “qırmızı şeytanlar”ın heyətində imza atıb. CR7 həmçinin “Sportinq”də 5, “Real”da 450, “Yuventus”da 101, Portuqaliya millisində isə 115 qolun müəllifi olub. Forvard buna 1097 oyunda nail olub.
Qeyd edək ki, “Qızıl top”un beşqat qalibi Kriştiano Ronaldo milli komandalar tarixinin, Avropa çempionatlarının və Çempionlar Liqasının bombardiridir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
