Mbappe 15 günə "Real"a gələ bilər - ən yüksək MAAŞLA

“Real Madrid”in prezidenti Florentino Peres PSJ-nin hücumçusu Kilian Mbappenin transferinin böyük pərəstişkarı olaraq qalır.

Lent.az xəbər verir ki, bu barədə “The Athletic” məlumat yayıb. Mənbənin sözlərinə görə, Peresin Mbappe ilə birbaşa əlaqəsi var, lakin futbolçunun maaşı məsələsi hələ də açıqlanmır.

Məlumata görə, Mbappe transfer olacağı təqdirdə “Real Madrid” liderlərinin hazırda qazandığı puldan iki dəfə çox pul alacağını gözləyir. Los Blancos da öz növbəsində uzun müddətdir ki, klubun maaş fonduna nəzarət etməyə çalışır. Qeyd edək ki, “kral” klubunun ən yüksək maaş alan futbolçuları hazırda ildə 17 milyon avrodan 20 milyon avroya qədər qazanır.

Madriddə hamı fransalının komandanı gücləndirməsini istəyir. Bu həm baş məşqçi Karlo Ançelottiyə, həm də futbolçulara aiddir. Məsələn, vinger Vinisius Junior sosial şəbəkələrdə Mbappe ilə yazışır.

Mənbə Mbappenin yanvarın 15-nə kimi gələcəyi ilə bağlı qərar verməli olduğu barədə məlumatı təsdiqləyir. Danışıqlar davam edərsə, “Real”ı klubun baş direktoru Xose Anxel Sançes, Mbappeni isə anası Fayza Lamari və vəkil Delfin Verheyden təmsil edəcək.