Bu gün Konfrans Liqasında qrup mərhələsinin püşkü atılacaq.
Lent.az-ın Apasport.az saytına istinadla məlumatına görə, tədbir Türkiyənin İstanbul şəhərində təşkil olunacaq.
Mərasim Bakı vaxtı ilə saat 16:30-da başlayacaq. Qitənin üçüncü dərəcəli klub turnirinin püşkatmasında 32 komanda 8 qrupa bölünəcək.
Azərbaycan təmsilçiləri “Neftçi”, “Zirə” və “Qəbələ” mübarizəni erkən dayandırdığı üçün bu raundda komandamız olmayacaq. Bu turnirdə qrup mərhələsinin qalibləri 1/8 finala adlayacaq. 2-ci yeri tutanlar pley-offa vəsiqə qazanacaq. Bu komandalar Avropa Liqasında qrup üçüncüsü olanlarla görüşəcək.
Konfrans Liqasının qrupundakı oyun günləri də dəqiqləşib. Turnirin əsas raundu sentyabrın 8-də başlayacaq.
I tur – 8 sentyabr
II tur – 15 sentyabr
III tur – 6 oktyabr
IV tur – 13 oktyabr
V tur – 27 oktyabr
VI tur – 3 noyabr
Qeyd edək ki, Konfrans Liqasında növbəti püşkatma noyabrın 7-də olacaq. Həmin gün pley-off cütləri dəqiqləşəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
