Zaqatalada ağır yol qəzası

Yevlax-Zaqatala-Gürcüstan magistiral yolunun 114-cü kilometrliyində yol-nəqliyyat hadisəsi baş verib. Hadisə nəticəsində bir nəfər xəsarət alıb. 1962-ci il təvəllüdlü, Zaqatala şəhər sakini Bəxtiyar Məmmədov idarə etdiyi “Hyundai Sonata” markalı avtomobillə Qax rayonu istiqamətində hərəkətdə olarkən, eyni istiqamətdə hərəkət edən Knyaz Əhmədovun idarə etdiyi iri tutumlu yük maşınını ötmək istəyib. Nəticədə Bəxtiyar Məmmədov avtomobili yük maşınına vurub. Avtomobil yolun sol tərəfinə çıxaraq ağaca dəyib. Qəza nəticəsində xəsarət alan avtomobilin sürücüsü Zaqatala Mərkəzi Rayon Xəstəxanasına aparılıb. Xəstəxananın həkimi Allahverdi Hacıyevin sözlərinə görə, Bəxtiyar Məmmədovun xəsarətləri yüngül olduğundan ona xəstəxanada ilkin yardım göstərilib və yaralı ambulator müalicə almaq üçün evə buraxılıb.

Faktla bağlı Daxili İşlər Nazirliyinin Baş Dövlət Yol Polisi İdarəsinin istintaq və təhqiqat bölməsində araşdırma aparılır.