Bakıda naməlum kişi meyiti tapılıb. Bu barədə Lent.az-a hadisə yerində olan əməkdaşı məlumat verib. Belə ki, Bakıxanov qəsəbəsindən Neftçilər metrosu istiqamətində gedən yolda, yanacaqdoldurma məntəqəsinin yaxınlığındakı çökəklikdə, süpürgəçi qadın tərəfindən təxminən 30-35 yaşlarda olan naməlum kişi meyiti aşkar edilib. Hazırda hüquq - mühafizə orqanlarının əməkdaşları hadisə yerindədirlər və araşdırma aparırlar. İlkin araşdırmalara görə, hadisə həmin yerdə baş verməyib, meyitin öldürülüb bura atıldığı güman olunur.