Aprelin 7-də Azərbaycan yollarında baş vermiş qəzalarda 2 nəfər həlak olub. Baş Dövlət Yol Polisi İdarəsindən Lent.az-a verilən məlumata görə, gün ərzində ümumilikdə 9 yol-nəqliyyat hadisəsi baş verib. Nəticədə 2 nəfər dünyasını dəyişib, daha 11 nəfər isə müxtəlif dərəcəli bədən xəsarətləri alıb.
Ölümlə nəticələnən yol qəzaları Goranboy və İsmayıllı rayonlarında baş verib. goranboydakı qəzada avtomobil 48 yaşlı şəxsi vurub öldürüb. İsmayıllıda isə iki minik avtomobilinin toqquşması 1 nəfərin ölümü, daha iki nəfərin isə yaralanması ilə nəticələnib.