Yatanlara görə həyəcan yaşandı

Bakının Nəsimi rayonunda yatan şəxslərə görə xilasetmə əməliyyatı həyata keçirilib. Lent.az-ın Fövqəladə Hallar Nazirliyinin saytına istinadən verdiyi məlumata görə, 2 nəfərin mənzildə köməksiz vəziyyətdə qalması barədə 112 xidmətinə məlumat daxil olub. Hadisə yerində əməliyyat şəraiti qiymətləndirilərkən məlum olub ki, həmin şəxslər mənzilin qapısının dəfələrlə döyülməsinə və telefon zənglərinə reaksiya vermirlər.

Xilasedicilər təhlükəsizlik qaydalarına riayət etməklə çoxmərtəbəli yaşayış binasının 6-cı mərtəbəsində yerləşən mənzilin giriş qapısını açaraq içəri daxil olublar. Mənzilə baxış keçirilərkən vətəndaşlar yatmış vəziyyətdə aşkarlanmış və aidiyyəti üzrə təhvil verilib. Əməliyyat 01:26-da başa çatıb.