Oktyabrın 26-ı axşam saatlarında Xaçmaz rayonunun, Muxtadır qəsəbəsində yanğın baş verib. APA TV-nin şimal bürosunun verdiyi məlumata görə, ümumi sahəsi 1500 kv.m olan anbarın dam örtüyünün yanar konstruksiyaları 1400 kv.m sahədə yanıb. Anbarda olan 22000 ton ot bağlaması da külə dönüb.
Yanğının söndürülməsinə Fövqəladə Hallar Nazirliyinin Xaçmaz Dövlət Yanğından Mühafizə Hissəsinin 3 yanğınsöndürən maşın cəlb olunub.
Tövlənin qalan hissəsi və yaxınlıqdakı digər anbarlar yanğından mühafizə olunub. Yanğın səhər saat 07.00 radələrində yanğınsöndürənlər tərəfindən söndürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
