Ucarda nəzarətsiz qalan azyaşlının ölümünün səbəbi açıqlanıb.APA-nın yerli bürosunun məlumatına görə, hadisə rayonun Ramal kəndində baş verib.
Kəndə işləməyə gələn Bakı şəhər sakini, 46 yaşlı Gülnarə Qurbanova özü ilə 3 yaşlı nəvəsi Qurbanov Şahin Rasim oğlunu gətirib. Kirayə qaldıqları Məsud İbrahimova məxsus evdə bir anlıq azyaşlını nəzarətsiz qoyan nənə onun yoxa çıxdığını görüb. Təxminən 20 – 25 dəqiqə qonşuları ilə birlikdə uşağı axtardıqdan sonra onun meyitini həyətdəki 1 metr dərinlikdə olan su hovuzundan tapıb.
Ucar rayon Prokurorluğundan APA-ya verilən məlumata görə, Ş.Qurbanov ehtiyatsızlıqdan ölüb. Araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
