Ticarət mərkəzindən sırğa oğurlayan qadın tutuldu

Bakıda ticarət mərkəzindən qızıl oğurlamış qadın tutulub. Lent.az Daxili İşlər Nazirliyinin mətbuat xidmətinə istinadən xəbər verir ki, aprelin 5-də Nəsimi rayonunun Cavadxan küçəsində yerləşən ticarət mərkəzlərindən birindən Bakı şəhər sakini Vidadi Səfərova məxsus köşkdən qızıl sırğa oğurlanıb. Hadisəni törətmiş Lənkəran rayon sakini Zahirə Əlizadə Nəsimi Rayon Mühafizə İdarəsinin əməkdaşları tərəfindən saxlanılaraq 19-cu PB-yə təhvil verilib.