Sürücü qəza törətdi, sərnişini öldü

İyulun 28-i saat 18:15 radələrində, Xətai rayonu Gəncə prospektində Bakı şəhər sakini 1981-ci il təvəllüdlü Rəşad Ağaverdiyev idarə etdiyi «BMW» markalı avtomobillə yolun kənarında dayanmış 1968-ci il təvəllüdlü Ehtiram Bəylərova məxsus «QAZ-53» markalı avtomobili arxadan vurması ölümlə nəticələnib. Bakı şəhər Baş Polis İdarəsinin mətbuat xidmətindən Lent.az-a verilən məlumata görə, hadisə baş verdikdən dərhal sonra R.Ağaverdiyev KTM-ya yerləşdirilsə də, sərnişini Balakən rayon sakini 1975-ci il təvəllüdlü Məzahir Həsənov hadisə yerində ölüb.