“Nümunələr arasında meyitin ürəyi olmayıb” - RƏY
24 sentyabr 2013 16:58 (UTC +04:00)

“Nümunələr arasında meyitin ürəyi olmayıb” - RƏY

ABU-nun sabiq rektoru Elşad Abdullayevin yaydığı video görüntülərdə vasitəçi qismində adı hallanan Sevinc Babayevanın ölümü ilə bağlı Azərbaycanda keçirilən tibbi ekspertizanın rəyi açıqlanıb.


 

Səhiyyə Nazirliyi Məhkəmə-Tibbi Ekspertiza və Patoloji Anatomiya Birliyinin Mərkəzi Ekspertiza Şöbəsinin rəisi Ceyhun AllahverdiyevAPA-ya açıqlamasında bildirib ki, Sevinc Babayevanın meyitindən götürülmüş nümunələrin 70%-i Türkiyədə müayinə edilib: “Bizə təqdim olunan nümunələr arasında meyitin əksər daxili orqanları, həmçinin ürəyi olmayıb, ağ ciyərlərin isə az bir hissəsi var idi. Əlimizdə olan orqanların müayinəsi zamanı Sevinc Babayevanın ölümünə ürək-damar çatışmazlığının səbəb olduğu müəyyənləşib”.

 

C. Allahverdiyev keçirilən ekspertiza zamanı S. Babayevanın zəhərlənməsi faktının da təsdiqlənmədiyini qeyd edib: “Zəhərlənmə faktının olub-olmamasını müəyyən etməkdən ötrü bütün materiallardan istifadə olunub. Müayinə zamanı insan orqanizmində mövcud olan kimyəvi maddələrin miqdarından artıq maddə aşkarlanmayıb”.

 

C. Allahverdiyev ekspertizanın nəticələrinin istintaq orqanına təqdim edildiyini bildirib.

 

Qeyd edək ki, S. Babayeva 2012-ci ilin dekabrında Türkiyənin “Medicana International İstanbul Hospital” xəstəxanasında dünyasını dəyişib. İstanbul Ədliyyə Tibb Baş İdarəsi tərəfindən keçirilən məhkəmə-tibb ekspertizasının nəticələrinə görə, S.Babayevanın bədən səthi üzərində travmadan yaranan hər hansı xəsarətlərin aşkarlanmayıb. Meyitin daxili müayinəsi zamanı götürülən toxuma nümunələrində toksiki maddələrin müəyyən olunmadığı üçün onun zəhərlənərək ölməsinin tibbi dəlillərlə təsdiq olunmadığı və ürək-damar xəstəliyindən ölməsi müəyyən olunub. 

 

# 4548
avatar

Oxşar yazılar