<b>Özəl tibb müəssisələrində qanunsuzluqlar aşkarlandı</b>
31 may 2018 13:47 (UTC +04:00)

Özəl tibb müəssisələrində qanunsuzluqlar aşkarlandı

Səhiyyə Nazirliyi son zamanlar özəl tibb fəaliyyəti ilə məşğul olan müəssisələrdə insanların həyat və sağlamlığına zərər vurulması ilə bağlı vətəndaşlardan nazirliyə və digər dövlət orqanlarına edilən çoxsaylı müraciətlər əsasında araşdırma aparıb.

 

Səhiyyə Nazirliyinin Analitik Ekspertiza Mərkəzindən (AEM) APA-ya verilən xəbərə görə, araşdırma zamanı tibbi təhsili və lisenziyası olmayan müxtəlif şəxslər tərəfindən qanunsuz tibb fəaliyyətinin həyata keçirilməsi, xarici ölkələrdə hazırlıq alan tibb işçilərinin, əcnəbilərin və Azərbaycanda daimi yaşayan və vətəndaşlığı olmayan şəxslərin Səhiyyə Nazirliyindən müvafiq şəhadətnamə almadan tibb fəaliyyəti ilə məşğul olması, özəl tibb müəssisələrinə verilmiş lisenziyanın əlavəsində göstərilən ixtisaslardan kənar işlər üzrə tibbi xidmətlərin göstərilməsi halları müəyyən olunub.

 

Araşdırma zamanı əmək müqaviləsi və tibbi təhsili təsdiq edən müvafiq sənədləri olmadan bəzi tibb işçilərinin tibb fəaliyyəti ilə məşğul olması, əhaliyə keyfiyyətsiz tibbi xidmət göstərilməsi və tibb işçilərinin etik davranış qaydalarını pozması, heç bir əsas olmadan pasiyentlərdən əlavə ödəniş tələb edilməsi və digər bu kimi xoşagəlməz hallar da aşkarlanıb.

 

 

Səhiyyə Nazirliyi bildiririk ki, Nazirlər Kabinetinin 13.05.2003-cü il tarixli 64 nömrəli qərarı ilə təsdiq edilmiş “Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları”na uyğun olaraq, xarici ölkələrdə hazırlıq alan tibb işçilərinin, əcnəbilərin və Azərbaycanda daimi yaşayan vətəndaşlığı olmayan şəxslərin ixtisas sənədləri Azərbaycan ərazisində qüvvədə olması müvafiq qaydada təsdiq edilməli, Nazirlər Kabinetinin 12.01.1999-cu il tarixli 5 nömrəli qərarı ilə təsdiq edilmiş “Xarici ölkələrdə hazırlıq alan tibb və əczaçılıq işçilərinin Azərbaycan Respublikasında tibb və əczaçılıq fəaliyyəti ilə məşğul olmağa buraxılması Qaydaları”na əsasən, həmin şəxslər yalnız Səhiyyə Nazirliyi tərəfindən verilən müvafiq şəhadətnamə əsasında ölkə ərazisində tibb fəaliyyəti ilə məşğul olmağa buraxılmalıdır: “Yuxarıda qeyd edilən xoşagəlməz hallarla rastlaşdıqda “Əhalinin sağlamlığının qorunması haqqında” qanunun  tələblərinə əsaslanaraq, müraciət etdiyiniz tibb müəssisəsinin özəl tibb fəaliyyəti ilə məşğul olmasına icazə verən lisenziyanın və əlavənin mövcudluğu, sizi müayinə və müalicə edən tibb işçisinin (həkim, tibb bacısı) müvafiq ixtisas sənədlərinin (diplom, sertifikat, ölkə ərazisində işləməyə icazə verən şəhadətnamə) olub-olmaması barədə məlumatları yerində tələb etməyiniz məqsədəmüvafiqdir. Hüquqlarınız pozulduğu hallarda tibb müəssisəsinin rəhbərliyinə, müvafiq icra hakimiyyəti orqanına və ya qanunla müəyyən edilmiş qaydada məhkəməyə, Səhiyyə Nazirliyinin “qaynar xətt” xidmətinə müraciət edə bilərsiniz. Qanunlara uyğun olaraq, tibb işçisi öz peşə vəzifələrini lazımınca yerinə yetirmədikdə və ya sağlamlığın qorunması sahəsində vətəndaşların hüquqlarının pozulmasına yol verdikdə intizam, inzibati və digər məsuliyyətə cəlb oluna bilər”.

 

# 177
avatar

Oxşar yazılar

Rüşvət alan yol polisi rəisi işdən QOVULDU

Rüşvət alan yol polisi rəisi işdən QOVULDU

17 aprel 2024 , 20:00
Həddindən artıq  su içib   öldü

Həddindən artıq su içib öldü

17 aprel 2024 , 19:07
Ana və oğlu  göldə boğuldular

Ana və oğlu göldə boğuldular

17 aprel 2024 , 18:45
Vətən müharibəsi iştirakçısı özünü asdı

Vətən müharibəsi iştirakçısı özünü asdı

17 aprel 2024 , 17:06
İtkin düşən uşağın meyiti tapıldı

İtkin düşən uşağın meyiti tapıldı

17 aprel 2024 , 15:49
Azərbaycanda RƏZALƏT:  əxlaqsız təklifə görə qollarını doğrayıb  Bakıya qaçdı

Azərbaycanda RƏZALƏT: əxlaqsız təklifə görə qollarını doğrayıb Bakıya qaçdı

17 aprel 2024 , 15:27
Jurnalist Cəmil Məmmədliyə HÖKM OXUNDU

Jurnalist Cəmil Məmmədliyə HÖKM OXUNDU

17 aprel 2024 , 14:52
Telefon yanıb sahibini öldürdü

Telefon yanıb sahibini öldürdü

17 aprel 2024 , 14:43