Şəmkirdə iki nəfər dərmandan zəhərləndi

Şəmkirdə iki qadın dərmandan zəhərlənib.

APA-nın qərb bürosunun verdiyi məlumata görə, Şəmkir şəhər sakini, 2001-ci il təvəllüdlü Həsənova Leyla və rayon sakini 1997-ci il təvəllüdlü İlahə Əliyeva dərman zəhərlənməsi əlaməti ilə Şəmkir rayon Mərkəzi xəstəxanaya yerləşdiriliblər. Onlara tibbi yardım göstərilib. Vəziyyətlərinin orta ağır olduğu bildirilir.

Qadınların hansı şəraitdə zəhərləndiyi hələ ki, məlum deyil. Faktla bağlı araşdırma aparılır.