Sabirabadda ev, Bərdədə tövlə, Abşeronda obyekt yandı

Sabirabad rayonunda yanğın qeydə alınıb. Lent.az-ın Fövqəladə Hallar Nazirliyinin saytına istinadən məlumatına görə, Nərimankənd kəndində vətəndaşa məxsus ümumi sahəsi 60 kv.m olan birmərtəbəli 3 otaqlı qamışdan ibarət evin yanar konstruksiyaları, ev əşyaları və evə bitişik ümumi sahəsi 20 kv.m olan qamışdan ibarət talvar yanıb. Yaxınlıqdakı tikililər yanğından mühafizə olunub.

Bərdə rayonun Qaradəmirçi kəndində isə (rayon mərkəzindən 20 km aralı) vətəndaşa məxsus ümumi sahəsi 48 kv.m olan tövlənin dam örtüyünün yanar konstruksiyaları 12 kv.m sahədə yanıb. Tövlənin qalan hissəsi yanğından mühafizə olunub.

Daha bir yanğın Abşeron rayonu, Xırdalan şəhərində qeydə alınıb. Ümumi sahəsi 528 kv.m olan ikimərtəbəli obyektin 1 otağının yanar konstruksiyaları 8 kv.m sahədə yanıb, yüksək temperaturdan mətbəxin lambirdən ibarət qapı və nəfəsliyi 8 kv.m sahədə qarsalanıb. Obyektin qalan hissəsi yanğından mühafizə olunub. Yanğın saat 08:03-də yanğınsöndürənlər tərəfindən söndürülüb.