Saatlıda avtomobilin kanala aşması nəticəsində 2 nəfər ölüb.
Lent.az-ın APA-ya istinadən verdiyi xəbərə görə, Saatlıda ağır yol nəqliyyat hadisəsi baş verib. Qəza zamanı dünyasını dəyişən və xəsarət alanlar olub. Hadisə ötən gün Saatlı rayonu Novruzlu kəndi ərazisindən keçən yerli əhəmiyyətli yolda baş verib. Beləki Sabirabad sakini Məlikov Allahyar sükan arxasında olduğu VAZ 2106 markalı avtomobillə hərəkətdə olarkən idarəetməni itirib. Nəticədə, avtomobil aşaraq yolun kənarındakı su kanalına düşüb.
Qəza zamanı sərnişinlərdən Məlikov Heydər Həbib oğlu və Məlikov Ramin Bilal oğlu hadisə yerində dünyasını dəyişib. Sürücü və digər sərnişin Əbilov Əhməd Hacı oğlu isə müxtəlif dərəcəli bədən xəsarətləri alıb. Yaralılar Sabirabad rayon mərkəzi xəstəxanasına yerləşdirilib.
Faktla bağlı Saatlı rayon polis şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
