“Qəbələ” heyətini yeni futbolçu ilə gücləndirib. Lent.az-ın klubun rəsmi saytına istinadən məlumatına görə, “qırmızı-qaralar” Rauf Əliyevlə anlaşıblar.
29 yaşlı forvard yeni komandası ilə artıq müqavilə imzalayıb. Anlaşmaya əsasən, milli komandamızın 29 yaşlı hücumçusu 2019-cu ilin yayına qədər “Qəbələ”yə məxsus olacaq.
Son klubu Albaniya təmsilçisi “Kukesi” olan Rauf Əliyev 2017-ci ilin ikinci yarısında bu ölkədə legioner həyatı yaşayıb. O, karyerası ərzində “Qarabağ” (2006-2013), “Bakı” (2013-2014), “Xəzər Lənkəran” (2014-2015), “Neftçi” (2015), “İnter” (2015-2017) klublarının da formasını geyinib.
Rauf 2010-cu ildə debüt etdiyi Azərbaycan yığmasında keçirdiyi 45 oyunda 7 qol vurub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
