İnək oğrularının başqa cinayəti də üzə çıxdı

Kürdəmirdə 1 baş inək oğurladıqlarına görə tutulmuş şəxslərin digər cinayət əməli də müəyyən edilib. Lent.az Daxili İşlər Nazirliyinin saytına istinadən xəbər verir ki, Kürdəmir RPŞ əməkdaşlarının həyata keçirdikləri əməliyyat-axtarış tədbirləri nəticəsində fevralın 28-də rayon sakini Mayisə İsgəndərovanın həyətindən 1 inək oğurlamış həmyerliləri Cavad Məmmədov və Cabir Abdullayev tutulub. Ətraflarında aparılmış əməliyyat tədbirləri ilə onların rayon sakini Vidadi Xanalıyevə məxsus 2 inəyi oğurlamaları da müəyyən edilib.