Çay evində qadının çantasını soydular

Mayın 20-də Yasamal rayonunun Yeni Yasamal-1 yaşayış sahəsində yerləşən çay evlərindən birindən oğurluq edilib.

DİN-in mətbuat xidmətindən Lent.az-a verilən məlumata görə, oğurluq hadisəsi zamanı Bakı şəhər sakini Adilə Abışovaya məxsus çantadan 330 manat pul oğurlanıb.

Yasamal RPİ 29-cu PB əməkdaşlarının həyata keçirdikləri əməliyyat-axtarış tədbirləri nəticəsində isə hadisəni törətmiş Tovuz rayon sakini Mahmud Mahmudov tutulub.

Bundan başqa, Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində aprelin 18-30-da rayon sakinləri Fuad Əliyevə və Şükür Zeynalova məxsus mağazalardan pul, tütün məmulatı, ərzaq məhsulları və məişət əşyaları oğurlamış Biləsuvar rayon sakinləri Fərid Mirzəyev və Həsən Mirzəyev saxlanılıblar.