Prokuror AXCP üzvünə 7 il həbs cəzası istədi

Bakı Ağır Cinayətlər Məhkəməsində narkotik maddələrin qanunsuz dövriyyəsində təqsirləndirilən AXCP üzvü Elvin Abdullayevin cinayət işi üzrə məhkəmə prosesi davam edib. Lent.az-ın məlumatına görə, prosesdə məhkəmə istintaqının başa çatdığı bildirilib. Söz dövlət ittihamçısına verilib. O, çıxışında məhkəmədən Elvin Abdullayevin 7 il müddətinə azadlıqdan məhrum edilməsini istəyib.

Məhkəmə prosesi mayın 27-də davam edəcək.

Qeyd edək ki, Elvin Abdullayev Cinayət Məcəlləsinin 234.4.3 (külli miqdarda narkotik maddələrin satış məqsədilə əldə edilməsi, saxlanması və s.) maddəsi ilə ittiham olunur.