Professor Turan Yazqanın xatirəsi anılıb
22 noyabr 2014 22:20 (UTC +04:00)

Professor Turan Yazqanın xatirəsi anılıb

İstanbulda Türk Dünyası Araşdırmaları Vəqfinin qurucusu, professor Turan Yazqanın vəfatının ikinci ili münasibəti ilə anım mərasimi keçirilib.

 

 

APA-nın Türkiyə bürosunun məlumatına görə, İstanbul universiteti ədəbiyyat fakültəsinin konfrans salonunda keçirilən mərasimdə çıxış edən TDAV başqanı Közhan Yazqan, atasının vəfatından sonra Vəqfin yoluna davam etdiyini və “Dildə, fikirdə, işdə birlik” şüarının həyata keçirilməsi istiqamətində praktik işlərin vüsət aldığını vurğulayıb.

 

Mərasimdə çıxış edən yazar Abbas Abdulla Turan Yazqanla bağlı xatirələrindən danışıb.

 

Millət vəkili Qənirə Paşayeva da Türk dünyasının inteqrasiyası yolunda professor Turan Yazqanın rolundan bəhs edib.

 

Mərasimin sonunda bu ilki Turan Yazqan mükafatı Macarıstandakı Turan Vəqfinin başqanı Andraş Biroya verilib.

 

Mərasimin sonunda azərbaycanlı müğənni Azərin konsert proqramı ilə çıxış edib.

 

Qeyd edək ki, 1938-ci ildə Türkiyənin Isparta vilayətinin Əğirdir qəsəbəsində anadan olan Turan Yazqan 1959-cu ildə İstanbul universitetinin iqtisadiyyat fakültəsini bitirib. İstanbul universitetində elmi kariyerinə başlayan Turan Yazqan,1979-cu ildə professor elmi dərəcəsi alıb. 1980-ci ildə Türk Dünyası Araşdırmaları Vəqfini (TDAV) qurub. TDAV 1992-ci ildə Bakıda Atatürk litseyini və İqtisad universitetində menecmentlik fakültəsini açıb. Vəqfin Qazaxıstanın Çimkənt universitetində Turan Yazqan adına institutu və Qırğızıstanın Cəlalabad şəhərindəki universitetdə fakültəsi var. TDAV indiyə qədər 2 miyon səhifədən çox kitab və dərgi çap edib, yüzlərlə beynəlxalq konfransın təşkilatçılığını öz üstünə götürüb. Vəqfin himayəsində 1994-cü ildən bəri Türk dünyası uşaq şənliyi keçirilir.

 

TDAV başqanı professor Turan Yazqan 22 noyabr 2012-ci ildə uzun sürən xərçəng xəstəliyindən vəfat edib. Anadan olduğu Isparta vilayətinin Əğirdir qəsəbəsindəki bir litseyə professor Turan Yazqanın adı verilib.

# 272
avatar

Oxşar yazılar

Salyanda maşın piyadanı vurub öldürdü

Salyanda maşın piyadanı vurub öldürdü

27 may 2024 , 00:46
Azərbaycanlıların yaşadığı 15 kəndlə əlaqə kəsidi

Azərbaycanlıların yaşadığı 15 kəndlə əlaqə kəsidi

26 may 2024 , 18:52
Kür məcradan çıxır

Kür məcradan çıxır

26 may 2024 , 16:21
Astaraya qonaq gedən əcnəbi kürəkən  öldü

Astaraya qonaq gedən əcnəbi kürəkən öldü

26 may 2024 , 14:06
Qazaxda çay daşdı - YENİLƏNİB

Qazaxda çay daşdı - YENİLƏNİB

26 may 2024 , 12:53
Siyəzəndə 45 yaşlı kişi  özünü güllələdi

Siyəzəndə 45 yaşlı kişi özünü güllələdi

26 may 2024 , 11:43
Bakıda yaşayış binasında YANĞIN

Bakıda yaşayış binasında YANĞIN

26 may 2024 , 10:13
Nardarandakı bu çimərliklə bağlı  QƏRAR

Nardarandakı bu çimərliklə bağlı QƏRAR

25 may 2024 , 22:57