Nəsimi Nəbizadə ilə "Ana xəbər" bloku – 23 iyun

GÜNÜN ŞƏRHİ

Azərbaycan və Ermənistan qoşunlarının təmas xəttində psixoloji savaş davam edir. Ermənilərin mülki əhalini hədəfə alması bu müharibənin tərkib hissəsidir. Son bir həftə ərzində bir neçə soydaşımız düşmən gülləsinə tuş gəlib. Beynəlxalq birlik tərəfləri davamlı olaraq atəşkəs rejiminə riayət etməyin zəruriliyinə inandırmağa çalışır. Bu çağırışların intensivləşdiyi bir dövrdə ermənilərin atəşkəs rejimini sürəkli pozmasının, üstəlik mülki şəxsləri hədəfə götürməsinin səbəbi nədir? Məncə, səbəb Azərbaycanı cəbhə xəttində qarşılıqlı itkilərlə müşayiət olunacaq əməliyyatlara sürükləmək istəyidir. Azərbaycan lazımi cavab addımları atarsa, ermənilər Azərbaycanı müharibəyə başlamaq cəhdlərində ittiham etmək üçün bəhanə əldə etmiş olacaqlar. Bu bəhanə xüsusilə Azərbaycanın Avropa Şurası Nazirlər Komitəsinə sədrliyə başladığı dövrdə ermənilərə hava-su kimi lazımdır.