Gəncədə məsciddə yanğın olub

Gəncədə “Qazaxlar” məscidində yanğın baş verib.

Gəncə şəhər Dövlət Yanğından Mühafizə İdarəsindən APA-nın qərb bürosuna verilən məlumata görə, şəhərin Təbriz küçəsində yerləşən “Qazaxlar” məscidində yanğın baş verib. Dərhal əraziyə 4 yanğınsöndürən maşın cəlb edilib.

Məlumata görə, məscidə birləşik ərazidəki 4 kvadratmetr çardaq hissə yansa da, alovun tikiliyə yayılmasının qarşısı alınıb. Yanğının başvermə səbəbi bəlli deyil, araşdırma aparılır.