Gəncədə bir nəfərin yaralanması ilə nəticələn yol nəqliyyat qəzası baş verib.
APA-nın qərb bürosunun verdiyi məlumata görə, hadisə şəhərin Heydər Əliyev prospekti ilə Xanlar küçəsinin kəsişməsində qeydə alınıb.
Samux rayon sakini, 1949-cu il təvəllüdlü Yusif Əhmədovun idarə etdiyi “Mercedes” markalı avtomobillə, Gəncə şəhər sakini, 1988-ci il təvəllüdlü Asif Əliyevin idarə etdiyi “VAZ 2107” markalı avtomobil toqquşub. Qəza zamanı “VAZ”-da olan sərnişin, Gəncə şəhər sakini, 1988-ci il təvəllüdlü Rəşad Yusibov xəsarət alaraq Gəncə şəhər Təcili Tibbi Yardım xəstəxanasına yerləşdirilib. Vəziyyətinin normal olduğu bildirilir.
Faktla bağlı Gəncə şəhər Baş Polis İdarəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
