Futbolçuya ölüm təhdidi

“Atletiko”nun hücumçusu Rafael Santos Borre ölümlə təhdid olunur. Apasport.az saytının məlumatına görə, icarə əsasında Kolumbiyanın “Deportivo Kali” klubunda çıxış edən futbolçu azarkeş tərəfindən təhdid edilir.

Onun “Amerika Kali”nin “Qırmızı Baron” ləqəbli fanatı tərəfindən hədələndiyi deyilir.

Borre fevralın 24-də ondan məktub alıb. Hazırda Kolumbiya polisi məsələni araşdırır. Yaxın günlərdə tərəflərin məsələylə bağlı dindiriləcəyi gözlənilir.

Borre “Atletiko”ya 2015-ci ilin yayında keçib və 6 illik müqavilə bağlayıb. Bundan sonra o, icarə əsasında “Deportivo Kali”də çıxış edir.