Cəbhədə vəziyyət gərgin olaraq qalır

Ermənilər cəbhənin demək olar ki, bütün istiqamətlərindən atəşkəsi pozub. Müdafiə Nazirliyinin mətbuat xidmətindən Lent.az-a verilən məlumata görə, cəbhənin müxtəlif istiqamətlərində sutka ərzində atəşkəs rejimi ümumilikdə 80 dəfə pozulub. Erməni silahlı bölmələri dünən və bu gecə Ağdam, Tərtər, Füzuli, Xocavənd, Tovuz və Qazax rayonları istiqamətində atəşkəsi pozaraq mövqelərimizi atəşə tutublar.

Düşmən cavab atəşi ilə susdurulub.