Bir gündə 15 ton çətənə kolu məhv edildi

Azərbaycanın rayonlarında bir gündə 15 ton çətənə kolu məhv edilib.

Lent.az-ın DİN-in saytına istinadən verdiyi məlumatına görə, Yardımlı RPŞ əməkdaşları tərəfindən Arvana kəndi ərazisindən ümumi çəkisi 12 ton 200 kiloqram olan 17142 ədəd, Yevlax RPŞ əməkdaşları tərəfindən Qaramanlı kəndi ərazisindən, ümumi çəkisi 2 ton 630 kiloqram olan 39548 ədəd yabanı halda bitmiş çətənə kolları aşkar edilərək məhv edilib.

Şəki ŞRPŞ əməkdaşlarının həyata keçirdikləri əməliyyat-axtarış tədbirləri nəticəsində Baş Layısqı kəndində, kənd sakini Zahir Rəsulov tərəfindən kultivasiya yolu ilə yetişdirilib, ümumi çəkisi 316 kiloqram 1432 ədəd çətənə kolu aşkar edilərək götürülüb.