Binəqədidə 2 qadın faciəvi şəkildə öldü

Bakıda 2 qadın bədbəxt hadisənin qurbanı olub. Lent.az-ın Daxili İşlər Nazirliyinin mətbuat xidmətinə istinadən məlumata görə, dekabrın 7-də Binəqədi rayonunun Biləcəri qəsəbəsində yaşayan Qətibə Ələsgərova evində dəm qazından zəhərlənib. Qadının həyatını xilas etmək mümkün olmayıb.

Rayonun İsfahani küçəsində isə 58 yaşlı Çimnaz Şaşayeva evində dəm qazından zəhərlənərək ölüb.

Oxşar hadisə Samux rayonunda da qeydə alınıb, Pərvanə Bağırova dəm qazından zəhərlənib. Xoşbəxtlikdən xəstəxanaya çatdırılan qadının həyatını xilas etmək mümkün olub.

Hər 3 faktla bağlı araşdırılma aparılır.