Bayramda təcili yardıma 2000 müraciət olub

Novruz bayramı günlərində təcili yardıma daxil olan müraciətlərin sayı açıqlanıb. Bakı Şəhər Təcili və Təxirəsalınmaz Tibbi Yardım Stansiyasının baş həkimin müavini Murad Mirzəzadə APA-ya bildirib ki, martın 20-21-də stansiyaya daxil olan müraciətlərin sayı 2000 civarında olub. Onun sözlərinə görə, əvvəlki illərdən fərqli olaraq, bu il bayram günlərində təcili yardıma daxil olan müraciətlərin sayında hər hansı bir artım qeydə alınmayıb. M.Mirzəzadə qeyd edib ki, müraciətlər gündəlik müşahidə edilən hallarla bağlı olub.