Bakıda dələduzluq və oğurluqda şübhəli bilinən şəxs saxlanılıb. Bakı Şəhər Baş Polis İdarəsindən Lent.az-a verilən xəbərə görə, Nizami rayon 25-ci polis bölməsi əməkdaşlarının keçirdikləri əməliyyat tədbirləri nəticəsində, əvvəllər məhkum olunmuş Naxçıvan şəhər sakini, 33 yaşlı Samir Xəlilov tutulub.
S.Xəlilovun ötən il sentyabrın 12-də İmanxan Ağayevə kömək etmək adı ilə M.Abbasov küçəsində yerləşən bankomatdakı hesabından 430 manat pulu çıxarıb qaytarmayaraq dələduzluq etdiyi müəyyən olunub.
S.Xəlilov eyni zamanda bu ilin yanvarın 16-da Ş.Mirzəyev küçəsindəki bankomatdan Nəriman Quliyevin hesabından 1000 manat oğurlayıb.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
