Bakıda bıçaqlanma hadisələri olub. Bakı şəhər Baş Polis İdarəsindən Lent.az-a verilən məlumata görə, iyunun 7-i saat 07:15 radələrində, R.Behbudov küçəsində Şərur rayon sakini 1982-ci il təvəllüdlü Kamran Novruzov bıçaq xəsarəti ilə Kliniki Tibbi Mərkəzə yerləşdirilib. Nəsimi RPİ 22-ci PB əməkdaşlarının keçirdikləri əməliyyat tədbirləri nəticəsində, cinayətdə şübhəli bilinən, əvvəllər məhkum olunmuş 1988-ci il təvəllüdlü Bakı şəhər sakini Vüsal Sadıxov tutulub.
Bundan başqa iyunun 8-də Nizami küçəsində 1995-ci il təvəllüdlü Yevlax rayon sakini Ceyhun Şəfiyev 1983-cü il təvəllüdlü Bakı şəhər sakini Abid Murtuzova bıçaq xəsarəti yetirdiyinə görə Səbail RPİ 39-cu PB-nin əməkdaşları tərəfindən tutulub.
Hər iki hadisə ilə bağlı cinayət işi açılıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
