Bakıda və Masallıda yanğın oldu

Bakıda və Masallıda yanğın hadisəsi qeydə alınıb.

Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Sabunçu qəsəbəsində dəmiryolunun kənarında mazut qarışıq məişət tullantıları 100 kv.m sahədə yanıb. Yanğından yaxınlıqdakı dəmiryolu xətti və tikililər mühafizə olunub.

Masallı rayonu, Mahmudavar kəndində isə vətəndaşa məxsus ümumi sahəsi 200 kv. m olan 2 mərtəbəli 6 otaqlı evin 2-ci mərtəbəsinin dəhlizində ev əşyaları (stol, stul, xalça) 10 kv. m sahədə və dəhlizin tavanı 20 kv. m sahədə və evin həyətyanı sahəsində tikilmiş ümumi sahəsi 48 kv. m olan köməkçi tikilinin yanar konstruksiyaları yanıb. Yanğından evin qalan hissəsi mühafizə olunub.

Hər iki halda yanğın yanğınsöndürənlər tərəfindən söndürülüb.