Bakıda və Hacıqabulda narkotik alverçiləri həbs edilib

Bakıda və Hacıqabulda narkotik maddələrin qanunsuz dövriyyəsi ilə məşğul olan şəxslər yaxalanıb.

DİN-in mətbuat xidmtəindən Lent.az-a verilən məlumata görə, mayın 24-nə keçən gecə Hacıqabul rayonundakı quşçuluq şirkətlərinin birinin həyətindəki elektrik transformatorunun mis sarğılarının kəsilərək oğurlanması barədə Rayon Polis Şöbəsinə müraciət daxil olub.

Məlumatla əlaqədar əməliyyat-axtarış tədbirlərinə başlayan polis əməkdaşları oğurluğu törətməkdə şübhəli bilinən şəxsi qısa müddətdə müəyyən edərək saxlayıblar. Araşdırmalarla onun Ağacanlı kənd sakini, əvvəllər məhkum olunmuş Sahib Ələkbərov olduğu müəyyən edilib. Şəxsi axtarış zamanı ondan narkotik vasitə olan heroin aşkar edilib.

Tədbirlərin davamı olaraq ona məxsus həyətyanı sahədən isə kultivasiya yolu ilə yetişdirilmiş 13 ədəd çətənə kolu, 95 qram marixuana və 186 ədəd çətənə toxumu aşkar edilərək götürülüb.

Nəsimi RPİ-nin 19-cu Polis Şöbəsi əməkdaşlarının daxil olub. Məlumat əsasında keçirdikləri əməliyyat tədbirləri nəticəsində saxlanılan Yardımlı rayon sakini Dilqəm Qarayevdən isə 455 qram tiryək və 15 qram heroin aşkar edilərək götürülüb.