Bakıda oğurluqla məşğul olan şəxs tutulub. Lent.az Daxili İşlər Nazirliyinin mətbuat xidmətinə istinadən xəbər verir ki, Sabunçu RPİ 15-ci PB əməkdaşlarının həyata keçirdikləri əməliyyat-axtarış tədbirləri nəticəsində mayın 11-də Bakı şəhər sakini Əli Əliyevə məxsus evdən 550 manat pul oğurlamış paytaxt sakini, əvvəllər məhkum olunmuş Rahim Şəfəqqətov tutulub.
Ətrafında aparılmış əməliyyat tədbirləri ilə onun daha 4 evdən inşaat materialları və təmir-tikinti alətləri oğurlaması da müəyyən edilib.