Bakıda cibgirliklə məşğul olan 20 yaşlı qız tutuldu

Bakıda cibgirliklə məşğul olan şəxslər tutulub. Lent.az Bakı şəhər Baş Polis İdarəsinə istinadən xəbər verir ki, Bakı şəhər BPİ Cinayət Axtarış İdarəsi əməkdaşlarının keçirdiyi əməliyyat-axtarış tədbirləri nəticəsində yanvarın 27-də 85 saylı xətt avtobusunda Bakı şəhər sakini Səbinə Əliyevanın əl çantasından mobil telefonu cibgirlik yolu ilə oğurlamaqda şübhəli bilinən Bakı şəhər sakini, 1996-cı il təvəllüdlü Ləman Əlizadə və Abşeron rayon sakini, 1994-cü il təvəllüdlü Elgün Azayev tutulub. Şübhəli şəxslər barəsində Nəsimi RPİ-nin istintaq şöbəsində cinayət işi açılıb, araşdırmalar davam etdirilir.