Azərbaycanda daha bir qadın şiddət qurbanı oldu. Lent.az-ın məlumatına görə, dünən “Təmiz dünya” QHT-nin sığınacağına ailəsində şiddət görən 40 yaşlı qadın yerləşdirilib.
5 yaşında övladlığa verilən Sədaqət Əliyeva (ad-soyad şərtidir) 30 yaşında ailə qurub. Yeni ailəsində isə ağır şiddətə məruz qalıb. Belə ki, S.Əliyeva gəlin getdiyi evdə nəinki həyat yoldaşı, hətta qayınatası, qayınanası, baldızı və qaynı tərəfindən dəfələrlə vəhşicəsinə döyülüb. Sonda isə onu himayəyə götürmüş ailəyə geri qaytarılıb. Onu böyüdən qadın rəhmətə getdikdən sonra isə S. Əliyevanın qara günləri təkrar başlayıb. Bu dəfə onu ögey atasının başqa qadından olan övladları döyməyə başlayıb.
Bütün bunların ardından Sədaqət xanım sığınacağa üz tutub. Hazırda sığınacaqda etibarlı yerdədir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
