Ağdaşda 2 ton 820 kiloqram çətənə kolu məhv edilib

Ağdaşda külli miqdarda narkotik xassəli çətənə kolu aşkarlanaraq məhv edilib.

APA -nın yerli bürosunun verdiyi xəbərə görə, Ağdaş rayon Polis Şöbəsi əməkdaşları iyunun 21-də “Xaş-xaş-2014” tədbirlər planına uyğun olaraq, əməliyyat keçirib.

Rayonun Mürsəl kəndində su arxının kənarından yabanı halda bitən külli miqdarda narkotik xassəli çətənə kolları aşkar edilib. Ümumilikdə 2,5 hektar ərazidə aşkar olunan və ümumi çəkisi 2 ton 820 kiloqram olan 4670 ədəd çətənə kolu kökündən çıxarılaraq, yandırılaraq məhv edilib.

Bu istiqamətdə tədbirlər davam etdirilir.