Ağdamda ana 2 günlük körpəsindən imtina edib

Ağdam Mərkəzi Rayon Xəstəxanasına ötən gün daxil olan ana, doğduğu körpəsindən imtina edib. Xəstəxanadan Lent.az-a verilən məlumata görə, rayonun Şıxbabalı kəndindən məcburi köçkün 1979-cu il təvəllüdlü Ağayeva Kifayət Əmir qızı xəstəxanaya çağırış əsasında gəlib. Müayinə zamanı qadının 40 həftəlik normal doğuş vaxtının çatdığı məlum olub. Doğuş normal keçsə də, ana dünyaya gətirdiyi körpəsindən imtina edib.

Xəstəxanadan Ağdam rayon Polis Şöbəsinə məlumat verilib. Həkimlər qadında psixoloji problemi olduğunu istisna etmirlər.